Chakana savdoda mijozlarga ideal xizmat ko’rsatish: 7 ta misol, harakat va yechimlar.

Mijozlarga xizmat ko’rsatish har doim tovarlar sifati, narxlar, do’kon muhiti va boshqalardan tashqari, mijozning brendingizga bo’lgan munosabatiga ta’sir qiluvchi eng muhim omillardan biridir. Yaxshi xabar shundaki, mijozlarga xizmat ko‘rsatish haqida gap ketganda, siz yo‘lovchi emas, haydovchi o‘rnida bo’lasiz va mijozlarga xizmat ko‘rsatishni o‘z nazoratingizga olishingiz mumkin.

Siz ob-havoga ta’sir ko’rsata olmaysiz yoki raqobatchilaringizni nazorat qila olmaysiz, lekin mijozlarni eng yuqori darajadagi xizmat bilan to’liq ta’minlash o’z qo’lingizdadir. Shu sababli, siz mijozlaringiz mamnun bo’lishlari uchun doimo harakat qilishingiz kerak. 

Quyida biz o’z do’koningizda qo’llashingiz va xizmatingizni yuqoriroq bosqichga olib chiqishingiz mumkin bo’lgan misollar va harakatlarni taqdim etamiz.

1.Qaytgan mijozlarga minnatdorchilik bildiring va ularni yodda tuting.

Xizmatingizning asosiy tarkibiy qismlari va ushlab turish strategiyalarini takomillashtirish orqali mijozlaringizni hayratda qoldiring. Qaytgan mijoz eng yaxshi xaridor turlaridan biridir. Ularga qilgan xaridlari uchun minnatdor ekanligingizni bildiring, chunki ko’pincha eng ko’p daromadni aynan shu mijozlar  keltiradi, hamda do’stlari va yaqinlariga brendingizni tavsiya qiladi.

Qanday choralar ko’rish kerak?

Mijozning ma’lumotlarini (kontaktlar, xaridlar tarixi, tug’ilgan kun, tanlovlari haqida qaydlar va boshqalar) CRM ma’lumotlar bazasiga kiriting.

Ushbu ma’lumotlardan to’g’ri foydalaning. Misol uchun, agar siz ma’lumotlar bazasida ushbu mijoz ikkinchi marta xarid qilish uchun do’koningizga kelganini ko’rsangiz, unga minnatdorchilik bildiring. Shokolad, kichik chegirma, vaucher va hokazolar sovg’a qiling. Bu, albatta, sizning brendingizga sodiqlikni oshirishga yordam beradi va, ehtimol, mijoz sizni do’stlariga tavsiya qilishiga ham xizmat qiladi.

2. O’zaro sotuv va mijozlaringizni o’rgatish.

Sizningcha, mahsulotni qimmatroq sotish orqali o’rtacha chekni oshirish yaxshi qaror emasmi? Agar siz buni to’g’ri qilsangiz, unday emas.

Agar siz xaridorni sizdan sotib olishdan oldin o’rgatish uchun vaqt ajratsangiz. Tavsiyalaringizni uning ehtiyojlariga qarab qo’llang,bundan xaridor mamnun bo’lishiga biz kafolat beramiz.

Qanday choralar ko’rish kerak?

Sotuvchilaringizni qimmatroq tovarlarni sotish va qo’shimcha savdo qilishga o’rgating. Mijozlarga ko’proq e’tibor berish va ularning ehtiyojlarini aniqlashga undang.

Ular xaridorlarni o’rgatayotganlariga ishonch hosil qiling. Qimmatroq yoki qo’shimcha mahsulotlarni sotish jarayoni keraksiz narsalarni sotishga o’xshab qolmasligi kerak. Xaridorlar siz tavsiya qilayotgan mahsulotlarning afzalliklari va nima uchun ularni sotib olishlari kerakligini bilishlari kerak.

3. Xaridor istagan mahsulot mavjud bo’lmagan vaziyatdan chiqish yo’lini toping.

Hisoboti noto‘g‘ri bo‘lganligi sababli mijozga kerak bo’lgan buyum topilmaydigan holatlardan qochish yaxshiroq bo‘lsa-da, mijozlarga to‘g‘ri xizmat ko‘rsatish bilan bu noqulay vaziyatni ijobiy tomonga aylantira olasiz.

Qanday choralar ko’rish kerak?

Bunday vaziyatlarda zaxira reja/javobga ega bo‘ling – Xaridor zaxirada yo‘q buyum haqida so‘raganda, sizda “Kechirasiz, lekin biz hech narsa qila olmaymiz” degan javobdan yaxshiroq javobingiz borligiga ishonch hosil qiling. Sotuvni qo’ldan boy bermaslik uchun har doim evaziga biror narsa taklif qilishga tayyor bo’ling. Mijozlarga yaxshi xizmat ko’rsatish mijozni ehtiyojini qondirish uchun hamma narsani qilishingiz bilan ajralib turadi.

Do’koningizdan / omboringizdan yetkazib berishni taklif qiling – Siz boshqa do’kondan (agar siz onlayn-do’kon bo’lsangiz) mahsulotga buyurtma berib, uni mijozga bepul yetkazib berish xizmatini taklif qilishingiz mumkin.

4. Kassirlaringiz orqali xaridor bilan shaxsiy aloqa o’rnating.

Shunchaki “Sizga yoqdimi?”, “Kuningiz xayrli o‘tsin, xaridingiz uchun rahmat” deb aytadiganlardan biri bo‘lmang. To’lov jarayonini iloji boricha yoqimli qiling. Misol uchun, agar u yaqin atrofdagi qahvaxonadan olingan bir stakan kofe ushlab turganini ko’rsangiz, “U yerdan kofe olasizmi? Qanaqa ekan, sizga yoqdimi?”deb so’rang. Shundan keyin bu xaridor sizga albatta qaytib keladi.

Qanday choralar ko’rish kerak?

Xaridorlarni kuzatib boring, ular bilan o’rtangizda umumiy narsani toping. Ba’zi umumiy xususiyatlar orqali xaridorlar bilan bog’lanish yo’lini toping. O’xshash qiziqishlaringiz bormi? Boradigan sport zallaringiz bittami? Suhbat uchun ushbu umumiy xususiyatlardan foydalaning.

Har doim xaridorni sotib olishga undash shart emas. Biror narsani sotish uchun u bilan gaplashmang. Yaqindan aloqa o’rnatish uchun gaplashing.

5. Sotuvchini mijozga ideal mos keluvchi mahsulotni topish uchun vaqt ajratishiga o’rgating.

O’zingiz uchun biror narsa sotib olmoqchi bo’lib, ko’nglingizdagidek narsani topa olmagan vaqtingiz bo’lganmi? Va agar siz nima qidirayotganingizni bilishga va kerakli mahsulotni topishingiz uchun vaqt ajratadigan bunday sotuvchini uchratsangiz, xursand bo’larmidingiz?

Qanday choralar ko’rish kerak?

Qidirgan mahsulotini topishi uchun xaridorlar bilan ishlang. Xaridorga yordam berishga ko’proq harakat qiling. Do’koningiz turiga qarab ular har xil bo’lishi mumkin. Misol uchun, siz xaridorga “U do‘konning ana o‘sha vitrinasida” deyish o‘rniga, mijozni kerakli vitrina yoniga olib borishingiz mumkin. Yoki xaridor ularni solishtirishi uchun bir nechta mahsulotni olib keling. Ha, mijozlarga sifatli xizmat ko’rsatish bunday arzimas narsalarga tayanadi.

Ammo mijozni to’g’ri tushunganingizga ishonch hosil qiling. Har bir mijoz ham sotuvchining do’kon bo’ylab unga hamroh bo’lishini xohlamaydi. Ba’zi xaridorlar do’konni yolg’iz aylanishni Afzal ko’rishadi, bu holda ularni bezovta qilishning hojati yo’q. Ammo yordamga muhtoj bo’lgan mijozlarga yordam berish uchun qo’lingizdan kelganini qiling.

6. Sotuvchi mahsulot haqidagi bilimidan to’g’ri foydalanishi kerak.

Mahsulot yoki tovarlar haqida bilish yaxshi xizmat ko’rsatishning muhim mezonlaridan biridir, shuning uchun siz va sizning xodimlaringiz barcha detallarni bilishingiz kerak. Bu sizga quyidagi hollarda kerak bo’lishi mumkin:

– bestsellerlaringiz haqida gapirganingizda

– mahsulotlaringizning xususiyatlari va afzalliklarini muhokama qilganingizda

– mijozlarga mahsulotdan qanday foydalanishni o’rgatayotganingizda

Qanday choralar ko’rish kerak?

XAF formulasidan foydalaning – XAF(Xususiyatlar – Afzalliklar – Foyda)  formulasisiz mijozlarga mukammal xizmat ko’rsatib bo’lmaydi. Sizga va sotuvchi xodimlaringizga mahsulotingiz haqida osongina eslab qolish uchun yordam beradi.

Asosan, xususiyatlar tovar yoki mahsulotning tarkibiy qismlari yoki xarakteristikalari, afzalliklar esa xususiyatlar qanchalik foydali ekanligini anglatadi. Foyda, mijoz mahsulot va uning xususiyatlaridan olishi mumkin bo’lgan eng muhim qismdir. Eng yaxshi natijalarga erishish uchun siz mijozga aytayotgan foyda u uchun noyob va kerakli ekanligiga ishonch hosil qilishingiz kerak.

Masalan, siz quyoshdan saqlaydigan ko’zoynak sotasiz. Xususiyatlar ramkaning o’lchamini, ko’zoynaklar qanday materialdan tayyorlanganligini, ko’zoynakning polarizatsiyasini o’z ichiga olishi mumkin. Afzalliklari esa mustahkamlik, ko’zga nur tushishini kamaytiruvchi qobiliyatlar bo’lishi mumkin. Oxir-oqibat, foyda xaridorning yaxshiroq ko’rishi bo’ladi.

O’zingizning eng yaxshi mahsulotlaringizni biling – trendlar va eng ko’p sotilgan mahsulotlaringizdan xabardor bo’ling, shunda siz doimo mijozingizga biron bir tovar taklif qila olasiz. Vazifangizni osonlashtirish uchun kuchli mahsulot tahliliga ega bo’lgan doʻkon boshqaruv tizimidan foydalaning.

 7. Chin qalbdan uzur so’rang.

Mijozlarga xizmat ko’rsatishda turli kamchilik yoki qaltis vaziyatlar mavjud, bu holatda, kechirim so’rashingiz va hatto ba’zi bir voqea uchun kompensatsiya qilishingiz kerak.

Kechirim so’rashga tayyor bo’ling – Agar bo’lgan vaziyat sizning aybingiz bo’lmasa ham, mijoz noqulay holatga tushganidan afsusda ekanligingizni bildirishigiz u uchun katta ahamiyat kasb etadi.

Mijoz oldidagi aybingizni yuving – Agar vaziyatda sizning xatoyingiz bo’lsa, aybingizni yuvish uchun qo’lingizdan kelganini qiling. Xatoni tuzatish mumkinmi? Buning evaziga chegirma taklif qila olasizmi?

Mijozlarga ideal xizmat ko’rsatish: Xulosa

Mijozlarga xizmat ko’rsatish juda muhim. Biz mijozlar har qachongidan ham ko’proq tanlovga ega bo’lgan muhitda biznes qilamiz. Ularga bo’lgan munosabatingiz boshqa do’konlardan farq qilishingiz uchun katta faktor hisoblanadi.

BILLZ sizga mijozlar bilan ishlashda yordam beradi, batafsil ma’lumot uchun  +998 78 113 01 44 raqamiga qo’ng’iroq qiling.