Savdo va trafikni qanday oshirish mumkin: chakana reklama va marketing bo’yicha 8 ta maslahat

Trafik (tashrif) va savdo – bu har bir chakana sotuvchi o’ylaydigan narsa. Ammo savollar qolmoqda: mijozlarni qanday jalb qilish va ularni do’koningizda ko’proq sotib olishga undash mumkin? Qanday reklamalarni ko’rsatish kerak? Odamlarni raqobatchilaringiz o’rniga sizdan sotib olishga qanday triggerlar undaydi?

Chakana sotuvchi sifatidagi maqsadingiz qanday bo’lishidan qat’iy nazar, bu yerda oddiy reklama maslahatlari mavjud bo’lib, ular nafaqat savdoni oshirishga, balki uzoq muddatga biznesingizni rivojlantirishga yordam beradi.

1. “Aksiyaviy” narxlar

Mahsulot chegirmalari talabni oshirishga yordam berishini allaqachon bilasiz. Ammo reklama kampaniyasi va oddiygina tanqislik narxi o’rtasida nozik chegara bor.

Agar siz o’z do’koningizga ko’plab odamlarni jalb qilishni rejalashtirmoqchi bo’lsangiz, bu punktga amal qilish mantiqan to’g’ri keladi – mijozlar nafaqat takliflar tufayli ko’proq sotib olishadi, balki ajoyib xizmat natijasida yana va yana qaytib kelishadi.

Shuning uchun agar siz narxlarni reklama qilmoqchi bo’lsangiz, do’koningizda odamlarni qolishga, sotib olishga va qaytib kelishga majbur qiladigan narsa borligiga ishonch hosil qilishingiz kerak.

Reklama narxlari iste’molchilarga kuchli psixologik ta’sir ko’rsatadi. Mahsulotdagi oddiy qizil yoki sariq savdo yorlig’i xaridorlarni mahsulot boshqa joydan olish mumkin bo’lganidan ko’ra yaxshiroq taklifga ega deb taxmin qilishga olib keladi. Va narxni “9” bilan tugatish, aslida, sotuvlarni oshiradi – hatto bu ikki narx, masalan, $ 39 va pastroq narx $ 34 bo’lsa ham.

“Birini sotib ol, ikkinchisi – tekin!” kabi “tekin” aksiyalarni o‘tkazishni unutmang yoki bepul yetkazib berishni taklif qiling. Ushbu reklama hiylasi samaralidir, chunki iste’molchi o`zini haqiqatan ham bepul nimanidir olayotgandek his qiladi, aslida esa, masalan, “50% chegirma” taklifini taklif qilish bilan bir xil bo`lsada. “Bepul” so’zi keng tarqalgan bo’lib, iste’molchilar ko’pincha foizli chegirmalarning ma’nosini to’liq tushunmaydilar.

Shuni unutmangki, katta trafik katta mas’uliyatdir. Siz har bir mijozning ehtiyojlarini qondirishingiz va o’zingizga zarar keltirmasligingiz kerak.

2. Do`kondagi maxsus tadbirlar

Odamlarga do’koningizga tashrif buyurishi uchun yaxshi sabab berish foydali bo’lardi va yaxshi mahsulotlarga ega bo’lish ko’pincha yetarli emas. Bugungi kunda odamlar onlayn tarzda istalgan narsaga buyurtma berishlari mumkin, xo`sh, unda ularni aynan sizdan xarid qilishga nima majbur qiladi?

Xaridorlarni bepul brend tadbiri uchun doʻkonga kelishga undang, ularni nafaqat cheklangan va “faqat doʻkondagi” mahsulotlar, balki mahsulot namoyishi va xizmatlari kabi narsalar bilan ham qamrab oling.

Agar siz o’zingizning manzilingizga onlayn xaridorlar trafigini olib borishni istasangiz, faqat do’konda ishlatilishi mumkin bo’lgan kuponlarni taklif qiling. Ular tashrif buyurishganida, shaxsiy xizmat ko’rsating va potensial mijoz sizning do`koningizda yaxshi vaqt o’tkazayotganiga ishonch hosil qiling. Odamlar har doim o`zlarini yaxshi his etgan joyga qaytadilar.

3. Xarid qilish nuqtasi uchun reklama displeylari

Tadqiqotlar shuni ko’rsatdiki, barcha sotib olish qarorlarining 60% dan ortig’i odamlar do’konda xarid qilish paytida qabul qilinadi va bu qarorlarning 50% dan ortig’i shoshilinch xaridlar hisoblanadi. Bu shuni anglatadiki, xarid nuqtasi (POP) displeylari samarali marketing vositasidir. Lekin avval siz ularni qanday qilib to’g’ri ishlatish haqida o’ylashingiz va ularning eng yaxshi joylashuvini aniqlashingiz kerak.

Tasavvur qiling-a, xaridor oziq-ovqat do’konidagi kassadan o’tib, savatga tashlashini kutayotgan barcha jurnallar, konfetlar va boshqa arzonroq narsalarni ko’rishiga qanday erishish mumkin? Iste’molchi ularni sotib olishni rejalashtirmagan, ammo ular mavjud va o’rtacha narxda bo’lgani uchun u: “Nega olmas ekanman?” deb o’ylaydi. O’zingizning POP displeylaringizni strategik ravishda do’kon bo’ylab va kassa yo’li bo’ylab joylashtiring.

4. Ijtimoiy tarmoqlar imkoniyatlaridan foydalaning

Raqamli reklama uchun mablag`ingiz bormi? Facebook ijtimoiy tarmog’ini ko’rib chiqaylik. Ko’p foydalanuvchilar bazasiga qo’shimcha ravishda (ya’ni, oylik 2 milliard faol foydalanuvchilar), tadqiqotlar shuni ko’rsatdiki, onlayn xarid qiluvchilarning 29 foizi Facebook’dagi brendni kuzatishi mumkin.

Facebook Insights sizga reklamalaringizni ma’lum joylarda ma’lum odamlar guruhlariga yo’naltirish va maqsadli auditoriya segmentlarini yaratish imkonini beradi.

Agar video yaratish uchun qobiliyatingiz bo’lsa, unda siz o’z ijodingizni Facebook Live-ga yuklashingiz mumkin. Ushbu platformada video kuniga 8 milliarddan ortiq tomosha qilinadi. Bu juda ko’p va bu do’kon trafigini oshirishning yana bir usuli.

5. Sodiqlik dasturi maksimal darajada!

Ma’lumki, yangi mijozni jalb qilish eskisini saqlab qolishdan ko’ra kamida besh baravar qimmatga tushadi va mavjud mijozga sotish 60-70%, yangisiga sotish imkoniyati esa 5-20%. Bu raqamlar sizga ushbu munosabatlarni maksimal darajada oshirish sizning eng muhim marketing vositalaringizdan biri ekanligini aytadi. Buning eng oson yo’li – sodiqlik dasturi.

Dasturning maqsadi nafaqat ushbu mijozlarni saqlab qolish, balki ularga o`zlarini qiziqarli va eksklyuziv tajribada ball to’playotgan va keyingi VIP darajasiga ko’tarilayotgandek his qilishlariga imkon berishdir. Mijozlar qanday qilib ball to‘plashi mumkinligi haqida ijodiy ishlang, masalan, qo‘shimcha xarid motivatsiyasi uchun tug‘ilgan kunida ikki barobar ko`proq mukofot taklif qiling.

6. Shoshilinchlik hissini yarating

Biz gaplashgan o’sha impulsiv xaridlarni eslaysizmi? Ularning aksariyati “vaqtlar cheklangan” yoki “faqatgina hozir mavjud” kabi shoshilinchlik hissi bilan boshqariladi. Agar siz o’zingizning marketing xabarlaringizni shoshilinch ravishda taqdim etsangiz, mijozlar bosimni his qilishadi va tezroq sotib olishadi.

Mijozlar vaqt va zaxirada cheklanganligini va agar ular hozir sotib olmasalar, kelajakda bunday imkoniyatga ega bo’lmasliklarini his qilishlariga ishonch hosil qiling. Sizning brendingiz vaqti aniq bo`lgan bo’lgan xabarga ega ekan, bu shoshilinchlik ko’pincha ularni harakatga undaydi. Ammo buni hamma joyda va har doim ham qilmaslik kerak, chunki mijoz sizni shunchaki sun’iy ravishda sotib olishga bosim o’tkazmoqchi deb o’ylaydi.

7. Mahalliy ahamiyatga ega bo’ling

Mobil qurilma yordamida mahalliy biznesni qidirayotgan iste’molchilarning qariyb 88 foizi 24 soat ichida qo’ng’iroq qiladi yoki o’sha biznes bilan bog’lanadi, bu esa siz asosan onlayn bozorda ishlayotgan bo’lsangiz ham, oflayn rejimda ham mavjud bo’lishingiz kerakligini anglatadi. Agar sizning odamlarga kelib o’zlariga kerakli narsalarini sotib olish imkoniyatini beruvchi jismoniy do’koningiz bo’lsa, ularning sizga bo’lgan ishonchi yanada ortadi.

8. Aqlli remarketingdan foydalaning

Shunday qilib, siz o’z mahsulot va xizmatlaringizni mijozlarga sotdingiz va ular xarid qilishdi, bu ajoyib! Ammo mahsulot va xizmatlaringizni mijozlarga qayta sotmaslik shunchaki qo’shimcha daromaddan voz kechishdir. Faktlarga ko`ra, iste’molchilarning 75 foizi ularni ismi bilan taniydigan, o’tmishdagi xaridlar asosida variantlarni tavsiya qiladigan yoki xarid tarixini biladigan savdogardan xarid qilishi ehtimoli yuqori.

Remarketing mijozlarga mahsulotingizni avval sotib olganliklari va mahsulotingizni qayta sotib olishlari kerakligini eslatish imkonini beradi. Muammo shundaki, odamlar band va siz bilan bo’lgan tajribalari qanchalik ijobiy bo`lganini unutishlari mumkin. Shuning uchun agar siz ularga eslatmasangiz, o`zlari eslashmaydi. Mahsulotingizning xizmat qilish muddati, iste’molchining zaxirasi tugab, boshqasiga qachon zaruriyat bo’lishi haqida o’ylab ko’ring. Agar siz tozalovchi vosita sotsangiz, xariddan ikki oy o’tgach, unga buni eslatib qo’ying. Agar siz sham sotsangiz, taxminan bir oy kuting. Buni to’g’ridan-to’g’ri qilish shart emas, SMS-xabar xizmatlaridan foydalaning.

Shuningdek, qaysi mahsulotlar bir-birini to’ldirishini bilish va ularning oldingi xaridlari asosida qo’shimcha mahsulotlarni sotish kerak. Shamni sotib olgan mijozga xushbo’y xona spreyi yoki bir shisha yuz yuvish vositasi yoqishi mumkin. Shu sababli, boshlashdan avval qaysi mahsulotlar bir-birini to’ldirishi mumkinligini ko’rib chiqing.

Ushbu reklama taktikalari yaxshi bo’lsa-da, agar siz o’z harakatlaringizni kuzatib bormasangiz, nima ish berayotganini va nima zarar keltirayotganini tahlil qilmasangiz, ular samarali bo’lmaydi. Chakana savdoning ideal dunyosida sizning POS tizimingiz ma’lum mahsulotlarga kuzatuv va chegirma kodlarini belgilash imkoniyatiga ega bo’lishi kerak.

Kampaniyani birinchi marta ishga tushirganingizdan buyon qanchalik yaxshi ishlaganingizni ko‘rish uchun shunchaki hisobot yaratishingiz mumkin.

Kampaniyalaringiz va harakatlaringiz uchun vaqt jadvalini belgilash ham muhim. Bu sizning vaqtingiz va harakatlaringiz qanchalik samarali ishlatilishini ko’rishga yordam beradi – axir, vaqt puldir.

Agar siz bu haqda ko’proq bilmoqchi bo’lsangiz, BILLZ bunday POS tizimiga ega. Ushbu tizimning imkoniyatlarini ko’rib chiqing yoki qayta qo’ng’iroq qilish uchun buyurtma bering va sizga to’liq ma’lumot beriladi.