Do’kondagi jarayonlarni qanday yo`lga qo`yish mumkin? Samaradorlikni oshirish uchun 4 qadam

Do’kondagi jarayonlarni qanday soddalashtirish haqida o’ylab ko’rganmisiz? Axir bu har qanday biznes egasining asosiy maqsadlaridan biridir. Lekin optimallashtirishni boshlashdan oldin, do’kondagi chakana savdo jarayonlari konsepsiyasi nimani o’z ichiga olganligini tushunishingiz kerak.

Aslida, do’kondagi jarayonlar do’konning muammosiz ishlashi uchun zarur bo’lgan hamma narsani o’z ichiga oladi. Bunga vitrinlarni bezash, do’kon dizayni, ijtimoiy tarmoqlarda reklamalar chiqarish, mahsulot narxini belgilash, kerakli inventar sotib olish, mijozlarga xizmat ko’rsatish siyosati, kassa hududi dizayni, do’kon statistikasini kuzatish va boshqalar kiradi.

Keling, ushbu jarayonlarni batafsil ko’rib chiqaylik.

 “Do’kon jarayonlari” tushunchasi nimalarni o’z ichiga oladi?

 Sizning biznesingiz hajmi va ko’lamiga qarab, jarayonlar murakkablikda farq qiladi. Siz o’z jamoangizni guruhlarga bo’lishingiz mumkin, ularning har biri alohida turdagi vazifa uchun javobgar bo’ladi.

Standartlashtirish va soddalashtirilishi mumkin bo’lgan ba’zi vazifalar do’kon va vitrina dizayni, mijozlarga xizmat ko’rsatish, tovar qoldiqlarini  inventarizatsiya qilish, xodimlarni o’qitish va do’konni boshqarishdir.

Yangi filial ochishda, yangi jamoani yollashda yoki muntazam ishlarni bajarishda siz har doim barcha vazifalar kerakli darajada bajarilganiga va xizmat sifati har doim maqsadli auditoriyangizning talablariga javob berishiga ishonch hosil qilishingiz kerak.

Ushbu maqolada biz do’kondagi jarayonlarni optimallashtirish uchun 4 qadamni to’pladik.

Do’kon jarayonlarini optimallashtirish uchun 4 qadam

1-qadam – Do’koningiz uchun standart protseduralar/jarayonlarni yarating.

Yuqorida ta’kidlanganidek, jarayonlarni standartlashtirish barcha do’konlarda sifatli xizmat ko’rsatishga bevosita ta’sir qiladi. Ayniqsa, yirik chakana savdo tarmog’ingiz bo’lsa.

Ishga olish bo’yicha maslahatlar: Iqtidorli xodimlarni yollash orqali do’kon jarayonlarini soddalashtirish mumkin, chunki iqtidorli xodimlar sizning biznesingiz uchun juda muhimdir. Shuning uchun bunga alohida e’tibor berish juda ahamiyatli. Ishga qabul qilish va o’qitish jarayoni keyinroq o’ylanmasligi kerak (ayniqsa, kichik biznes uchun). Yollash uchun jamoa yarating yoki uni autsorsing qiling. Ishga olish, o’qitish va xodimlardan kutilayotgan funksiyalar uchun standartlarni belgilaydigan ishga qabul qilish bo’yicha qo’llanma va ish tavsiflari bo’lishi kerak.

 Pul boshqarish jarayonlari: Har bir korxona pul boshqaruvini o’ziga xos tarzda olib boradi. Lekin POS tizimidan foydalanayotgan xodimlardan tortib, bank o‘tkazmalarini amalga oshiruvchilargacha bo‘lgan barcha narsani qamrab oluvchi asosiy qoidalar va tamoyillarni o‘rnatish muhim. Moliyaviy ishlarni boshqarishni optimallashtirishga yordam beradigan turli xil vositalar mavjud. Hamma uchun eng oson va tushunarlisi Excel yoki Google Sheets.

Tovarlarni boshqarish, inventarlarni hisoblash, omborlarni boshqarish. Chakana savdoda inventarlarning aniq hisobini yuritish juda muhimdir. Ushbu jarayonni avtomatlashtirish vaqtni tejash va turli joylar uchun to’g’ri assortimentni yaxshiroq aniqlashga yordam beradi. Do’konning joylashgan joyiga qarab assortimentni boshqarish uchun standartlar va jarayonlarni belgilash zarur, shuningdek, jamoada ushbu jarayon uchun individual shaxs javobgar bo’lishi lozim.

Yetkazib berish tizimining boshqaruvi. Chakana savdoda tovarlarni yetkazib berish jarayonining yaxshi yo‘lga qo‘yilganligi, shuningdek, o‘z vaqtida tarqatish va do‘konlarga yetkazib berish jarayoni muhim ahamiyatga ega. Jarayon to`g`ri yo`lga qo`yilmagan bo’lsa, sotuvda katta yo’qotishlar xavfi mavjud. Aloqa, shaffoflik va ehtiyotkorlik bilan kuzatish sizni doimo logistika bo’yicha yuqorida bo’lishingizni ta’minlashning kalitidir.

 Mijozlarga xizmat ko’rsatish: mehmonlarni kutib olishdan tortib almashtirish va qaytarish siyosatigacha bo’lgan barcha narsalar mijozlarga xizmat ko’rsatish siyosatida batafsil ko’rsatilishi kerak. Xodimlar ishning birinchi kunidan boshlab, va hatto do’konda ishlashni boshlashdan oldin o’qitilishi kerak. Mijozlarga xizmat ko’rsatish bo’yicha ko’rsatmalar xodimlarning qo’llanmasiga kiritilishi lozim.

 Do’konni tozalash tartib-qoidalari (ochish, yopish, kunduzgi smenalar). Do’kondagi tozalik har doim ham xodimlarga bog’liq emas, balki rahbariyatga ham bog’liq. Avvalo, tozalash qoidalarini va do’konning holatini aniqlash kerak. Agar sizda kutilayotgan do’konni tozalash bo’yicha ko’rsatmalaringiz bo’lmasa, xodimlardan do’koningizni doimo toza saqlashlarini kutmang. Yoki siz smenali ishchilarga kunning oxirida do`konni supurib, changlardan tozalashi kerakligini aytishingiz mumkin. Shu tarzda siz ularning ishini rejalashtirasiz.

2-qadam – Xodimlarni o`qitish jarayonlarini soddalashtiring

Nomzodlarni saralash uchun standart yarating va suhbat jarayoniga yuqoriroq lavozimli xodimingizni mas`ul qiling.

Yangi  xodimlarni ishga qabul qilish jarayonlari bo’yicha qo’llanma yarating va ularni o’qitish uchun tajribali xodimni tayinlang. Har bir xodim bir xil tayyorgarlikka ega bo’lishi uchun o’qitish ham standartlashtirilishi kerak.

 Xodimlarni o’qitish jarayonini bir necha bosqichlarga bo’ling:

• Yangilani o`qitish
• Hozirgi xodimlarning bilimini yaxshilash
• Tajribali xodimlarning malakasini oshirish

Sizning har bir xodimingiz uchun o’quv dasturi bo’lishi kerak. Shuningdek, xodimlarning ish faoliyatini yaxshilashga yordam beradigan fikr-mulohazalarini bildirish uchun ularning ishini tahlil qilishga alohida e’tibor berish tavsiya etiladi.

3-qadam – jarayonlarni avtomatlashtirish uchun texnologiyadan foydalaning

Chakana savdo jarayonlaringizga texnologiyani integratsiyalash tarmoq bo‘ylab samaradorlikni oshirish va jarayonlarni standartlashtirishning eng oddiy va kuchli usullaridan biridir.

BILLZ yordamida siz har bir xodimning sotuvini osongina kuzatishingiz, tovarlar mavjudligini tekshirishingiz, savdo, tovarlarni qaytarish va almashtirish ishlarini amalga oshirishingiz, aksiyalarni boshlashingiz va boshqa ko’plab operatsiyalarni qilishingiz mumkin.

 Texnologiya tufayli siz muntazam jarayonlarga vaqtni 40% gacha qisqartirishingiz, mijozlarga yaxshiroq xizmat ko’rsatishingiz va ma’lumotlarga asoslangan qarorlar qabul qilishingiz mumkin.

4-qadam – ish jarayonlarini amalga oshirish va moslashtirish

Jarayonni amalga oshirish

 Jarayonlarni amalga oshirish vaqtni, nazoratni va xodimlarning ko’p ishtirokini talab qiladi. Xodimlaringizni nafaqat ichki jarayonlarga bo’ysuntirishga, balki bunday jarayonlar amalga oshirilayotgan yakuniy maqsadni tushuntirishga harakat qiling.

Har doim odatdagi jarayonlarning talab qilinganidan ko’proq narsani bajaradigan xodimlarni mukofotlang. Bu boshqalarni ham ruhlantiradi va ularga yetib olish uchun harakat qilishlariga yordam beradi.

Jarayonga moslashish

Har bir do’konda bir xil sifat darajasiga ega bo’lishni istasangiz ham, ma`lum bir nuqtada siz boshqacha ish tutishingiz kerak bo’lishi mumkin.

Sizda bir xil formatdagi bir nechta do’konlar bo’lishi va bitta do’kon bu formatdan farq qilishi mumkin. Bunday do’kon uchun siz ham ish jarayonlarini moslashtirishingiz kerak.

Vaziyatdan qat’iy nazar, ushbu holatlarga moslashish uchun o’quv qo’llanma va boshqarmalaringizga o’zgartirishlar kiritganingizga ishonch hosil qiling. Bu sizga doimiy sifat darajasini saqlab qolishga yordam beradi.